*श्री क्षेत्र नंदिकेश्वर परिसराचा लवकरच कायापालट करणार - आमदार दत्तात्रय भरणे*



*श्री क्षेत्र नंदिकेश्वर परिसराचा लवकरच कायापालट करणार - आमदार दत्तात्रय भरणे* *वंचित न्यूज चैनल* उपसंपादक सतीश जगताप दगडवाडी परिसरातील श्री क्षेत्र नंदिकेश्वर येथे श्रावणी यात्रेनिमित्त आमदार दत्तात्रय भरणे यांनी शंभु महदेवास सपत्निक दुग्धाभिषेक करुन मनोभावे दर्शन घेतले.इंदापूर तालुक्यातील दगडवाडी परिसरात नीरा नदीच्या काठावर प्राचीन हेमाडपंथी श्री नंदिकेश्वर मंदीर वसले असुन अगदी पुरातन काळापासून या मंदिराचे वेगळेपण आहे.यावेळी शंभु महादेवाच्या दर्शनासाठी हजारो भक्तांची मांदीयाळी असतो.आमदार दत्तात्रय भरणे हे सुद्धा दरवर्षी श्री नंदिकेश्वर चरणी लीन होत असतात. सालबादप्रमाणे यंदाही आमदार दत्तात्रय भरणे व त्यांच्या सुविद्यपत्नी सौ.सारिका भरणे यांच्या शुभहस्ते श्री शंभु महादेवाची विविधत पुजा संपन्न झाली.यावेळी श्री.भरणे यांनी मंदिर परिसरात चालु असलेल्या विविध विकासकामांची पाहणी केली.तसेच यात्रेनिमित उपस्थित भाविकांशी संवाद साधत असताना ते म्हणाले की,श्री क्षेत्र नंदिकेश्वर देवस्थान हे आपल्या तालुक्यातील एक महत्त्वाचे तीर्थक्षेत्र असून याठिकाणी अनेक धार्मिक कार्यक्रम समारंभ होत असतात.त्यामुळे या ठिकाणी आपण अनेक सोयी सुविधा उपलब्ध करुन दिल्या असुन.मंदिर परिसरात शुशोभीकरण करण्यासाठी लाखो रुपयांचा निधी दिला असल्याचे सांगत आमदार भरणे पुढे म्हणाले की,हे तीर्थक्षेत्र एक चांगले पर्यटन केंद्र म्हणून ही नावारूपाला येत आहे,यासाठी आपणही प्रयत्नशील असून याठिकाणी नदी काठावर घाट बांधण्यासाठी प्रस्ताव शासन दरबारी दिला आहे.त्यामुळे लवकरच यासाठी सुद्धा भरघोष निधी आपल्याला मिळणार असल्याची माहिती आमदार भरणे यांनी दिली. त्याच बरोबर यंदा आपल्या तालुक्यात अजूनही सर्वदूर म्हणावा तसा पाऊस पडला नाही,यासाठी त्यांनी नंदिकेश्वराच्या चरणी लीन होताना सर्वत्र चांगल्या प्रमाणात पाऊस पडून अनेक अस्मानी संकटांशी सामना करणाऱ्या बळीराजा,कष्टकऱ्याच्या घरादारात यंदा आनंद येऊ दे,अशी प्रार्थना यावेळी केली.