Vanchit News

सहकार क्षेत्रामध्ये शेतकऱ्यांचे हित जोपासणे महत्वाचे-माजी राज्यमंत्री दत्तात्रय भरणे यांचे प्रतिपादन.



वंचित न्यूज चैनल : उपसंपादक: सतीश जगताप. दि.२९/०४/२०२३. सहकार क्षेत्रामध्ये काम करत असताना शेतकरी- कष्टकरी व कामगार बांधवांचे हित जोपासणे सर्वात महत्वाचे असल्याचे मत माजी राज्यमंत्री दत्तात्रय भरणे यांनी व्यक्त केले.नुकतीच अकलूज येथील सहकारमहर्षी शंकरराव मोहिते पाटील सहकारी साखर कारखान्याची पंचवार्षिक निवडणुक बिनविरोध झाली असून यामध्ये इंदापूर तालुक्यातून पिंपरी बुद्रुकचे विद्यमान सरपंच श्रीकांत बोडके,सराटी येथील जेष्ठ नेते अनिलभाऊ कोकाटे तसेच रेडणी गावचे माजी सरपंच भिमराव काळे यांची संचालक पदी बिनविरोध निवड झाल्याबद्दल आज त्यांचा भरणेवाडी येथे सत्कार समारंभ आयोजित करण्यात आला होता,यावेळी आमदार भरणे बोलत होते. पुढे बोलताना आ.भरणे म्हणाले की,शेवटी सार्वजनिक जिवनात काम करत असताना मिळालेली संधी ही समाज्यातील विवध घटकांचे प्रश्न सोडविण्यासाठी सत्कारणी घालवायची असते.पदे येतात आणि जातात परंतु पदावर असताना आपण केलेले काम हे समाजाभिमुख असेल तर गोरगरीब जनता आपल्याला भरभरून आशीर्वाद आणि प्रेम देत असते.त्यामुळे नवनिर्वाचित संचालकांनी शेतकरी सभासद तसेच कामगार बांधवांचे हित जोपसण्याला सर्वोच्च प्राधान्य द्यावे ही अपेक्षा शुभेच्छा देत असताना आमदार भरणे यांनी व्यक्त केली.तसेच आपल्या तालुक्यातून घेतलेल्या तीनही संचालकांना विविध संस्थांवर काम करण्याचा उत्तम अनुभव असून अनिल कोकाटे व भिमराव काळे हे दोन्ही जेष्ठ संचालक असून श्रीकांत बोडके यांच्या रूपाने तरूण कार्यकर्त्यालाही संधी मिळालेली आहे.त्यामुळे नव्या-जुन्या चेहऱ्यांचा चांगल्याप्रकारे मेळ घातला असल्याने आपल्या तालुक्यातील सभासद बांधवांना निश्चितपणे न्याय मिळेल असा विश्वासही यावेळी आमदार भरणे यांनी व्यक्त केला.यावेळी माजी जिल्हा परिषद सदस्य प्रतापराव पाटील,तालुकाध्यक्ष हनुमंत कोकाटे,सामाजिक न्याय विभागाचे तालुकाध्यक्ष सागर मिसाळ,बाजार समितीचे माजी संचालक सचिन देवकर,गिरवीचे सरपंच पांडूरंग डिसले,सराटीचे पै.भैय्यासाहेब कोकाटे,नवनाथ रूपनवर,ह.भ.प.ऊमराव महाराज देवकर,जंक्शनचे सरपंच राजकुमार भोसले,पांडूरंग बोडके,काका बोडके,संतोष सुतार,कचरवाडीचे सरंच कुंडलिक कचरे,संतोष क्षिरसागर,अक्षय भोसले,शेखर काटे यांच्यासह अनेक पदाधिकारी यावेळी उपस्थित होते.






Vanchit News